اٹاری بارڈر پر خصوصی پریڈ: ڈی جی بی ایس ایف خاص طور پر شرکت کریں گے

بھارت کے یوم جمہوریہ کےموقعہ پر بھارتی بارڈر سیکیورٹی فورسز نے آج اٹاری بارڈر پر خصوصی طور پر پریڈ کرنے کا اعلان کر دیا ہے۔ بی ایس ایف کے ذرائع نے امرتسر سے فون پربات کرتے ہوئے بتایا کہ ڈائریکٹر جنرل بی ایس ایف راکیش استھانہ خاص طور پر پریڈ دیکھنے کے لئے اٹاری بارڈر پہنچیں گے۔ بھارت نے کورونا کی وجہ سے اٹاری بارڈر پرجھنڈا اتارنے کی تقریب کے موقعہ پر پریڈ کا سلسلہ گزشتہ سال مارچ میں معطل کردیا تھا جب کہ پاکستان کی طرف سے واہگہ بارڈر پر پریڈ کا سلسلہ اب بھی جاری ہے جس کو دیکھنے کے لئے ہر روز پچاس افراد واہگہ بارڈر جاتے ہیں۔ بھارتی ذرائع کا کہنا ہے کہ یوم جمہوریہ پر بھارتی پریڈ میں عام طور پر ڈی جی بی ایس ایف خود شرکت نہیں کرتے جب کہ اس سال ڈی جی بی ایس ایف کی شرکت کا اصل مقصد پاکستان پر دباو بڑھانا ہے۔