ٹریفک وارڈن کو رشوت کی پیشکش کرنے مہنگا پڑگیا

ٹریفک وارڈن کو رشوت کی پیشکش کرنےوالا ملزم حوالات میں بند،مقدمہ درج

شہری معاشرے میں کرپشن اور رشوت کے خاتمے کےلئے اپنا کردار ادا کریں ، سی ٹی اولاہور

لاہور ۔ 2 اگست(اے پی پی )ٹریفک وارڈنز کو رشوت کی پیشکش کرنے والا حوالات میں بند، مقدمہ درج کر لیا گیا ۔ تفصیلات کے مطابق سیکٹر لاری اڈا میں پٹرولنگ آفیسرنے قانون شکنی پر آئل ٹینکر کو روکا، کاغذات طلب کرنے پرڈرائیور نے کاغذات دینے سے انکار کر دیا، بعدازاں آئل ٹینکرڈرائیور نے کاغذات دینے کی بجائے وارڈن کو تین سو روپے تھما دیئے، جس پر پٹرولنگ آفیسرنے رشوت کی پیشکش کرنے پر ڈرائیور اور آئل ٹینکر سمیت تھانے بند کروا دیا، اس حوالے سے سی ٹی او لاہور کا کہنا تھاکہ ٹریفک آفیسر کو رشوت کی پیش کرنا قانون جرم ہے، شہری معاشرے میں رشوت جیسے ناسور کے خاتمے کےلئے اپنا کردار ادا کریں ،رشوت سے انکار پر سی ٹی او کیپٹن(ر)لیاقت علی ملک نے وارڈن کو شاباش اور یمانداری کا مظاہرہ کرنے پر وارڈنز کےلئے نقد انعام اور تعریفی سند کا بھی اعلان کیا، سی ٹی او کا کہنا تھا کہ شہریوں کو کرپشن سے پاک ٹریفک پولیس پر فخر کرنا چاہیے ۔