تنخواہوں کی ادائیگی کے لیے 355 ملین روپے منظور ، ملازمین کی خوشی کی انتہا نہ رہی

اسلام آباد: ملکی معاشی معاملات سنبلنے لگے ، اقتصادی رابطہ کمیٹی نے پاکستان اسٹیل ملز اور پاکستان مشین ٹُول فیکٹری کے ملازمین کی تنخواہوں کی ادائیگی کی سفارش منظور کرلی۔اقتصادی رابطہ کمیٹی کے اجلاس کی صدارت مشیر خزانہ ڈاکٹرحفیظ شیخ نے کی .

رپورٹ کے مطابق اقتصادی کمیٹی نے پاکستان اسٹیل ملز ملازمین کی تنخواہوں کی ادائیگی کے لئے 355 ملین روپے جاری کرنے کی منظوری۔اجلاس میں وزارت خزانہ کو مالی سال 20-2019 میں پاکستان اسٹیل ملز کے ملازمین کی تنخواہوں کی ادائیگی کے لئے 4,097 ملین روپے مختص کرنے کی ہدایت کی گئی۔

ذرائع کے مطابق اقتصادی رابطہ کمیٹی نے پاکستان مشین ٹول فیکٹری کے ملازمین کی فروری سے مئی تک کی تنخواہوں کی ادئیگی کی بھی منظوری دے دی۔اعلامیہ کے مطابق پی ایم ٹی ایف ملازمین کی تنخواہوں کے لئے 128 ملین روپے جاری کرنے کی مںظوری دی گئی۔