دلیپ کمار کی فلم جس نے 5 دہائیوں تک خوب کمائی کی

بالی ووڈ کے لیجنڈری اداکار دلیپ کمار کی فلم ’مغلِ اعظم‘ نے48 سالوں تک فلم نگری پر راج کیا۔

باغی ٹی وی : مرحوم اداکار دلیپ کمار نے اپنے کیرئیر میں 65 سے زائد فلمیں کی ہیں لیکن اُن کی مذکورہ فلم اداکار کی شہرت کی وجہ بنی 1960ء میں دلیپ کمار کی بلاک بسٹر فلم ’مغلِ اعظم‘ ریلیز ہوئی جس میں اُنہوں نے شہزادہ سلیم کا مرکزی کردار ادا کیا تھا۔

دلیپ کمار کی یہ فلم ناصرف پہلے سال میں مقبول رہی بلکہ اس فلم نے 1960ء سے لیکر سال 2008ء تک خوب کمائی کی جس کے بعد یہ بالی ووڈ کی پہلی فلم بنی جس نے 48 سالوں تک بھارتی فلم نگری پر راج کیا۔

دلیپ کماروہ واحد انسان تھے جو ہندوستان اور پاکستان کو اکٹھا کرسکتے تھے

فلم ’مغلِ اعظم‘ کے علاوہ بھی دلیپ کمار نے بالی ووڈ کو کئی سُپر ہٹ فلمیں دیں جن میں ملن، جگنو، شہید، ندیا کے پار، انداز جوگن، بابل، آرزو، ترانہ، ہلچل، دیدار، سنگدل، داغ، آن، شکست، فٹ پاتھ، امر،اڑن کٹھولا، انسانیت، دیوداس، نیا دور، پیغام، کوہ نور، گنگا جمنا، شکتی، سمیت کئی لازوال فلمیں شامل ہیں-

ان کی خدمات کے پیشِ نظر حکومت ہندوستان کی طرف سے انہیں پدما بھوشن ایوارڈ، دادا صاحب پھالکے سمیت کئی اعزازات دئیے گئے جبکہ 1998 کو انہیں پاکستان کے سب سے بڑے سویلین اعزاز نشان پاکستان سے بھی نوازا گیا –

دلیپ کمار اور سائرہ بانو کی محبت کی انوکھی داستان