سوات بالائی علاقوں میں پولیس اور ایلیٹ فورس کے دستے پہنچ گئے

سوات میں امن وامان کو برقراررکھنے کے لیے بالائی علاقوں میں پولیس اور ایلیٹ فورس کے دستے پہنچ گئے۔

باغی ٹی وی : پولیس کے مطابق ضلع بھر میں پولیس کی چیک پوسٹیں قائم کردی گئی ہیں اور گاڑیوں کی تلاشی کا سلسلہ جاری ہے لوگوں کی جان ومال کا تحفظ ہرصورت یقینی بنایا جائے گا۔

سوانح حیات نصاب میں شامل ہونے پر سرفراز احمد کا ویڈیو پیغام

پولیس کے مطابق ضلع بھر میں مختلف علاقوں میں پیٹرولنگ کا سلسلہ جاری ہے اور مشتبہ افراد پر نظر رکھی جارہی ہے۔

قبل ازیں ترجمان خبر پختونخوا پولیس کا کہنا تھا کہ ماضی میں افغانستان سے واپس آنے والے چند افراد دور افتادہ پہاڑوں میں موجود ہیں پولیس اورسیکیورٹی ادارے کسی بھی جارحیت کا جواب دینے کے لئے تیار ہیں۔

ترجمان کا کہنا تھا کہ لوگوں کے اس خدشے سے واقف ہیں کہ سوات میں 2008 کادور واپس آسکتا ہے سوات میں امن وامان کی صورتحال انتظامیہ کےکنٹرول میں ہے سوشل میڈیا پر آنے والی مسلح افراد کی ویڈیوز کا جائزہ لے رہے ہیں۔

نامعلوم موٹر سائیکل سواروں کی فائرنگ،دو افراد زخمی

خیبرپختونخوا پولیس کا کہنا تھا کہ سوات کے پُرامن معاشرے میں کسی بھی دہشت گردی کے لیے کوئی جگہ نہیں، سوات میں امن کو یقینی بنانے کے لیے تمام ممکنہ اقدامات کریں گے۔ پولیس اور سیکیورٹی کے دستے سوات میں قیام امن کے لیے تعینات ہیں

واضح رہے کہ ضلع سوات کے علاقے مٹہ کے قریب پہاڑی علاقوں میں مسلح افراد کی موجودگی کی اطلاعات ہیں۔ ان سے منسوب کچھ ویڈیوز بھی سوش میڈیا پر گردش کر رہی ہیں سوات میں مبینہ طور پر طالبان کی واپسی کی خبروں سے وہاں کی عوام میں ایک خوف پھیل گیا ہے-

پولیس کا لیگی رہنما عطا تارڑ کے گھر پر چھاپہ