ترک ڈاکٹروں نے تھری ڈی ٹیکنالوجی کی مدد سے دھڑ جڑے بچوں کو تقریباً 9 گھنٹے کے آپریشن کے بعد کامیابی کے ساتھ الگ کر کے عالمی ریکارڈ قائم کر دیا-
باغی ٹی وی : غیر ملکی میڈیا رپورٹس کے مطابق الجزائر میں پیدا ہونے والے جڑواں بچے چھاتی کے ساتھ ایک دوسرے سے جڑے ہوئے تھےلیکن ان کے دل دو تھے۔
امریکا نے چین اور پاکستان سمیت دیگر ممالک کی 36 کمپنیوں کو تجارتی بلیک لسٹ میں شامل کردیا
استنبول کے ایک اسپتال میں ڈاکٹروں کی ٹیم نے دھڑ جڑے بچوں کو 9 گھنٹے کے آپریشن کے بعد الگ کیا،جس کے بعد انہوں نے اس نوعیت کے تیز ترین آپریشن کا عالمی ریکارڈ بنادیا ہےدونوں بچوں کی حالت بالکل ٹھیک ہے تاہم انہیں اب بھی اسپتال میں زیر نگرانی میں رکھا گیا ہے۔
ایک چارج پر 1200 کلو میٹر طے کرنے والی مرسیڈیز نے اپنا ہی ریکارڈ توڑ دیا
اس کامیاب آپریشن کی نگرانی کرنے والے ڈاکٹرمہمت ویلی کا کہنا ہے کہ ہماری پیشہ ور افراد کی ٹیم کی بدولت، ہم جڑواں بچوں کو ایک منصوبہ بندی کےساتھ الگ کرنے میں کامیاب ہوئے جس میں تقریباً 9 گھنٹے لگے ہم بہت خوش ہیں ہمیں کامیابی ملی –
واضح رہے کہ پاکستان میں سوات کے شہر مینگورہ کے نواحی علاقے کوکارئی میں پولیس کانسٹیبل فضل کرم کے گھر جڑواں بچوں کی پیدائش ہو ئی تھی جن کے دھڑ جڑے ہوئے تھے بچوں کوابتدائی طور پر نجی اسپتال میں داخل کرایا گیا تھا تاہم ڈاکٹروں کا کہنا تھا کہ بچوں کی جان بچانے کے لیے فوری طور پر سرجری کی ضرورت ہے جو بیرون ملک ہی ممکن ہے کامیاب سرجری کے بعد یہ بچے بھی خوشگوار زندگی گزار سکتے ہیں-
چائلڈ اسپیشلسٹ ڈاکٹر نعیم اللہ کا کہنا تھا کہ 2 لاکھ بچوں میں سے ایک بچہ ایسے ہی پیدا ہوتا ہے ان بچوں کی سرجری سنگاپو اور برطانیہ میں ممکن ہے اور سرجری میں کئی گھنٹے یا دن لگ سکتے ہیں بچوں کے والدین غربت کے باعث اتنا مہنگا علاج کرانے سے قاصتر تھے تاہم فضل کرم نے حکومت سے بھی اپیل کی تھی کہ ان کے بچوں کے علاج میں ان کی مدد کی جائے-
