امریکا میں نامعلوم شخص کا نماز فجر کے دوران امام مسجد پر چاقو حملہ
![crim](https://baaghitv.com/wp-content/uploads/2023/03/Crime-Scene-5.jpg)
واشنگٹن: امریکی ریاست نیوجرسی کی ایک مسجد کے امام چاقو کے حملے میں زخمی ہوگئے۔
باغی ٹی وی : غیرملکی میڈیا کے مطابق ریاست نیو جرسی کے علاقے پیٹر سن کی ایک مسجد میں فجر کی نماز ادا کی جا رہی تھی کہ ایک شخص نے امام مسجد سید النقیب پر چاقو سے حملہ کردیا۔
انتخابات نہ کروانے کے حوالے سے تنقیدی تبصرہ، جرمن سفیر کو ملک چھوڑنے کا حکم
32-year-old man has been charged with attempted murder for stabbing Imam Sayed Elnakib at a mosque in New Jersey during Ramadan prayers. https://t.co/gd3QMWH44Y
— CJ Werleman (@cjwerleman) April 10, 2023
سی سی ٹی وی فوٹیج میں حملہ آور کو نمازیوں کے درمیان سے دوڑ کرنکلتے اور امام مسجد پر حملہ کرتے دیکھا جا سکتا ہے۔ ملزم نے امام مسجد کی گردن اور پیٹ پر وار کیے زخمی امام مسجد کو اسپتال منتقل کیا گیا امام مسجد کی حالت اب خطرے سے باہر ہے-
نمازیوں نے امام مسجد پر چاقو کے وار کرنے والے شخص کی فرار کی کوشش ناکام بناتے ہوئے اسے پکڑ لیا اور پولیس کے حوالے کردیا۔ حملے کے وقت مسجد میں 200 نمازی موجود تھے۔
ایرانی حکومت کا بےحجاب خواتین کی نگرانی کرنے کیلئے کیمرے نصب کرنے کا فیصلہ
پولیس حکام نے حملہ آور کے بارے میں تفصیلات جاری کیے بغیر بیان میں کہا کہ حملہ آور کی عمر 32 سال ہے اور حملہ کی وجوہات جاننے کے لیے تحقیقات کی جارہی ہیں،البتہ اس کی شناخت ظاہر نہیں کی گئی ۔
دوسری جانب کینیڈا کے شہر مارکھم میں مسجد کےاحاطے میں گاڑی سے نمازی کو کچلنے کی کوشش کی گئی 28 سال کے ملزم شیرن کیرونا کیرن کو ٹورنٹو سے گرفتار کرکے اس پر نفرت انگیز جرم کا الزام عائد کیا گیا ہےکینیڈا کی وفاقی اورصوبائی حکومت نے واقعے کی مذمت کی ہے ۔