کورٹ کی اپروچ ہے کہ الیکشن کے معاملات میں مداخلت نہ کی جائے،عدالت
باغی ٹی وی کی رپورٹ کے مطابق اسلام آباد ہائیکورٹ میں وزیر ٹرانسپورٹ خیبر پختونخوا شاہ محمدکی الیکشن کمیشن کی جانب سے نااہلی کیس کی سماعت ہوئی
اسلام آباد ہائیکورٹ کے چیف جسٹس اطہرمن اللہ نے ریمارکس دیتے ہوئے کہا کہ جب اتنی سنگین خلاف ورزی ہو گی تو پھر تو پوری سیاسی جماعت ذمہ دار ہو گی اتنی خلاف ورزی کہ ایک وزیر بیلٹ باکس ہی اٹھا کر لے جائے،الیکشن کمیشن کا آرڈر دکھا دیں کہ وہ اس بارے میں کیا کہتا ہے؟ کورٹ کی اپروچ ہے کہ الیکشن کے معاملات میں مداخلت نہ کی جائے، بتا دیں کہ یہ عدالت رٹ کے دائرہ اختیار میں کس حد تک جا سکتی ہے؟ بیلٹ باکس اٹھانے کے الزامات معمولی نہیں ہیں،عدالت جو بھی آرڈر کرے گی وہ عدالتی نظیر بنے گی، الیکشن کمیشن کو تو مزید مضبوط اور بااختیار کرنا چاہیے
وکیل شاہ محمد نے کہا کہ اسسٹنٹ پریزائیڈنگ آفیسر نے اپنی جگہ کوئی اور بندہ بٹھا رکھا تھا،
واضح رہے کہ گزشتہ سماعت پر شاہ محمد خان کی نااہلی کیخلاف فیصلہ اسلام آباد ہائیکورٹ نے معطل کیا تھا ،اسلام آباد ہائیکورٹ کے چیف جسٹس اطہر من اللہ نے شاہ محمد کی نااہلی کے فیصلے کے خلاف درخواست کی سماعت کی،عدالت نے فریقین کے وکلا کے دلائل سننے کے بعد شاہ محمد کی نااہلی کا الیکشن کمیشن کا فیصلہ معطل کردیا
قبل ازیں سپریم کورٹ سے تحریک انصاف کے سابق صوبائی وزیر شاہ محمد خان نے نااہلی کیخلاف اپیل واپس لے لی ،سپریم کورٹ نے واپس لینے کی بنیاد پر سابق صوبائی وزیر کی اپیل خارج کر دی، الیکشن کمیشن نے صوبائی وزیر شاہ محمد خان کو نا اہل قرار دیا تھا جسٹس سردار طارق مسعود کی سربراہی میں تین رکنی بینچ نے کیس کی سماعت کی، جسٹس مظاہر نقوی نے ریمارکس دیتے ہوئے کہا تھا کہ نا اہلی کیخلاف اپیل نا قابل سماعت ہے، بہتر ہے اپیل واپس لیکر متعلقہ فورم سے رجوع کریں،وکیل شاہ محمد خان کا کہنا تھا کہ اپیل واپس لے لیتے ہیں،متعلقہ فورم سے رجوع کریں گے۔
واضح رہے کہ الیکشن کمیشن نے صوبائی وزیر خیبرپختونخوا شاہ محمد کو 5سال کے لیے نااہل کردیا تھا الیکشن کمیشن نے صوبائی وزیر شاہ محمد کے بیٹے مامون رشید کو بھی الیکشن لڑنے کیلئے نااہل قرار دے دیا دونوں باپ بیٹے نے بکاخیل میں پولنگ اسٹیشن میں توڑ پھوڑ کی تھی الیکشن کمیشن نے شاہ محمد کو ڈی نوٹیفائی کردیا، صوبائی وزیر نے الیکشن کمیشن کے اس فیصلے کو عدالت میں چیلنج کیا تھا
فیصل واوڈا کی نااہلی،شیخ رشید کا اعلان،اپوزیشن کو بھی چیلنج دے دیا
یوسف رضا گیلانی اس وقت اہم عہدے پر،گیلانی نااہلی کیس کی سماعت ملتوی
لاک ڈاؤن، فاقوں سے تنگ بھارتی شہریوں نے ترنگے کو پاؤں تلے روند ڈالا
کرونا مریض اہم، شادی پھر بھی ہو سکتی ہے، خاتون ڈاکٹر شادی چھوڑ کر ہسپتال پہنچ گئی
کرونا لاک ڈاؤن، رات میں بچوں نے کیا کام شروع کر دیا؟ والدین ہوئے پریشان
چیف الیکشن کمشنر پر الزامات، ن لیگ نے بڑا اعلان کر دیا
چیف الیکشن کمشنر کوحکم دیں کیونکہ تمہارے پاس اس کی بھی ویڈیوز ہونگی،شہری کا مریم نواز کو جواب
عام انتخابات کی تیاری کی جائے، چیف الیکشن کمشنر کا حکم آ گیا
علی امین گنڈا پور پر جرمانہ کے باوجود کسی قسم کا اثر نہیں ہوا،چیف الیکشن کمشنر
