پاکستان تحریک انصاف کے اتحادی اور سابق وزیرداخلہ شیخ رشید نے میڈیا سے گفتگو کرتے ہوئے کہا کہ : میں موجودہ معاشی بدحالی کی صورت حال میں پوری قوم کو اعتماد میں لینا چاہتا ہوں. ان کا مزید کہنا تھا ن لیگ نے ضمنی انتخابات میں لوٹوں کو ٹکٹ دے کر ووٹ کو عزت دو والے بیانیہ کو دفن کیا ہے کیونکہ جن لوگوں نے ووٹ کو عزت دو پر ماریں کھائیں ان کے ساتھ ناانصافی ہوئی ہے، انکے بجائے ان لوٹوں کو ٹکٹ دیئے گئے جنہوں نے پچیس پچیس کروڑ لیئے ہیں.
انہوں نے کہا: قومی اسمبلی میں نہ جانے کا عمران خان کا فیصلہ بالکل درست ہے کیونکہ جس اسمبلی کا حزب اختلاف کا رہنماء لوٹا راجہ ریاض ہو اس اسمبلی پر لعنت ہے۔
ایک سوال کے جواب میں شیخ نے جواب دیا کہ : ہمیں اسٹبلشمنٹ سے نہیں لڑنا چاہئے تھا یہ ہماری فوج ہے اور یہ عظیم فوج ہے۔ لہذا غلطیاں سب سے ہوجاتی ہیں ہم سے بھی ہوئی ہیں لیکن ہمارا معصوم سا ایک مطالبہ ہے کہ بس جلد از جلد الیکشن کروا دیں۔ انہوں نے کہا بالآخر یہ سارے اسی نتیجہ پر ہی پہنچیں گے، اور پہنچنے کے بالکل قریب ہیں.
شیخ رشید نے پیشن گوئی کی کہ میں آپ کو اکتوبر میں الیکشن کی تاریخ دے رہا ہوں اور جولائی ایک اہم مہینہ ہے.
فیس بک، ٹویٹر پاکستان کو جواب کیوں نہیں دیتے؟ ڈائریکٹر سائبر کرائم نے بریفنگ میں کیا انکشاف
ٹویٹر پر جعلی اکاؤنٹ، قائمہ کمیٹی اجلاس میں اراکین برہم،بھارت نے کتنے سائبر حملے کئے؟
بیس ہزار کے عوض خاتون نے ایک ماہ کی بیٹی کو فروخت کیا تو اس کے ساتھ کیا ہوا؟
بھارت ، سال کے ابتدائی چار ماہ میں کی 808 کسانوں نے خودکشی
انہوں نے دعوی کیا کہ میں میں لاہور کی سیاست کو کافی حد تک بدلتا ہوا دیکھ رہا ہوں حالانکہ مجھے اس کی توقع نہ تھی کیونکہ ان کی سیاست سے لوگوں بہت زیادہ نقصان ہوا ہے. انہوں نے یہ بھی کہا کہ ووٹرز مسلم لیگ ن کے کیمپوں اور انہی کی گاڑیوں میں جائیں گے لیکن اندر جاکر ووٹ پاکستان تحریک انصاف کو دیں گے.
ان کا مزید کہنا تھا کہ مہنگائی آسمان سے باتیں کررہی ہے اور یونٹ مزید مہنگا ہوریا جبکہ ایک سو روپے فی کلو آٹا ہوگیا ہے. شیخ کے مطابق اب مہنگائی کے سبب غریب آدمی نے پیدل چلنا شروع کردیا ہے.
سابق وزیر داخلہ کہتے ہیں کہ: عمران خان کو سامراجی طاقتوں کے ساتھ مل کر اتارا گیا مگر وہ پہلے سے زیادہ مقبول لیڈر بن گیا ہے
دوسرا شیخ رشید نہیں بننا چاہتا، جمشید دستی دلہن لینے پشاور روانہ
