باغی ٹی وی کی رپورٹ کے مطابق الیکشن کمیشن آف پاکستان نے نااہلی کیس میں وفاقی وزیرخسرو بختیار اور وزیر خزانہ پنجاب ہاشم جواں بخت کو نوٹسز جاری کردیئے ہیں
الیکشن کمیشن میں خسرو بختیار اور ہاشم جواں بخت کیخلاف نااہلی کی درخواست پر سماعت ہوئی،الیکشن کمیشن ممبر خیبر پختونخوا ارشاد قیصر کی سربراہی میں 3 رکنی کمیشن نے سماعت کی ،الیکشن کمیشن نے وفاقی وزیرخسرو بختیار اوران کے بھائی ہاشم جواں بخت کو نوٹسز جاری کرتے ہوئے سماعت28 ستمبر تک ملتوی کردی۔
واضح رہے کہ خسرو بختیار اور ہاشم جواں بخت پر غلط بیانی اور اثاثے چھپانے کاالزام ہے ،رحیم یار خان سے ایڈووکیٹ احسن عابد نے خسروبختیار اور ان کے بھائی کی نااہلی کی درخواست دائر کی تھی ،وکیل نے کہا کہ سپریم کورٹ میں الیکشن ٹربیونل کے فیصلے پر نظرثانی درخواست دائر کررکھی ہے ۔
قبل ازیں سپریم کورٹ لاہور رجسٹری میں وفاقی وزیر خسرو بختیار کی نااہلی کی درخواست پر عدالت نے فیصلہ سنا دیا،عدالت نے وفاقی وزیر خسرو بختیارکی نااہلی کی درخواست مسترد کر دی،وزیر خزانہ پنجاب ہاشم جواں بخت کی نااہلی کی درخواست بھی مسترد کر دی گئی
درخواست گزار احسن عابد نے وفاقی وزیر اقتصادی امور خسرو بختیار اور ان کے بھائی ہاشم جواں بخت پر آمدن سے زائد اثاثے بنانے اور انہیں ظاہر نہ کرنے کا الزام عائد کرتے ہوئے درخواست دائر کی تھی۔
چینی کی قیمتوں میں اضافے پر سینیٹ میں بھی تحقیقات کا مطالبہ
جہانگیر ترین کے حق میں تحریک انصاف کی کونسی شخصیت کھل کر سامنے آ گئی، بڑا مطالبہ کر دیا
چینی بحران رپورٹ، وزیراعظم کیخلاف تحریک عدم اعتماد آ سکتی ہے یا نہیں؟ شیخ رشید نے بتا دیا
چینی بحران رپورٹ ، جہانگیر ترین پھر میدان میں آ گئے ،بڑا دعویٰ کر دیا
شوگر ملزسٹاک کی نقل و حمل اور سپلائی کی مکمل مانیٹرنگ کا حکم
چینی بحران رپورٹ، جہانگیر ترین کے خلاف بڑا ایکشن،سب حیران، ترین نے کی تصدیق
شوگر کمیشن رپورٹ، وزیراعلیٰ پنجاب،اسد عمر اور مشیر تجارت کے جوابات غیر تسلی بخش قرار
چینی بحران کے ذمہ داروں کیخلاف کب ہو گی کاروائی؟ اسد عمر نے اعلان کر دیا
اصل چینی چور کا نام رپورٹ سے غائب کر دیا گیا، مریم اورنگزیب کا دعویٰ
درخواست میں مؤقف اپنایا گیا ہے کہ دونوں بھائیوں نے آمدن سے زائد اثاثے بنائے اور انہیں ظاہر نہیں کیا جبکہ قومی احتساب بیورو (نیب) ملتان کو بھی ان کے خلاف کارروائی کے لیے درخواست دی گئی ہے۔ نیب کی جانب سے دونوں بھائیوں کے خلاف کارروائی نہ کرنے پر لاہور ہائی کورٹ سے رجوع کیا۔عدالت نے نیب کو قانون کے مطابق زیرالتوا درخواست کا فیصلہ تین ماہ میں کرنے کا حکم دیا لیکن نیب ملتان نے انکوائری اب مزید کارروائی کے لیے نیب لاہور کو بھجوادی ہے۔
درخواست گزار نے کہا کہ انکوائری کی پیش رفت سے بھی آگاہ نہیں کیا جارہا۔ دونوں بھائیوں کے اثاثے ایک سو ارب سے زائد ہیں، خسرو بختیار اور ہاشم جواں بخت صادق اور امین نہیں رہے۔
درخواست گزار نے سپریم کورٹ سے اپیل کرتے ہوئے مؤقف اپنایا کہ عدالت مخدوم خسرو بختیار اور ان کے بھائی کے خلاف ریفرنس دائر کرنے اور نام ایگزٹ کنٹرول لسٹ (ای سی ایل) میں شامل کرنے کا حکم بھی دے۔خسرو بختیار اور ہاشم جواں بخت کو آئین کے آرٹیکل 63 کے تحت نااہل قرار دیا جائے۔
